Boeing ta investigando e descubrimento di dos boter bashi di licor cu a wordo haya den un avion cu supuestamente mester bira e Air Force One nobo. Esaki ta un informe cu a keda publica den The Wall Street Journal.
E dos boternan chikito di Tequila haya e luna aki riba un Boeing 747-8 bou di construccion na San Antonio, a pone cu e compania a cuminsa inmediatamente cu un investigacion.
Boeing ta e transportador aereo oficial di presidentenan Mericano pa decadanan largo caba. Pentagono na 2016 a duna di conoce cu nan a duna ordo pa construi dos Boeing 747-8 nobo pa reemplasa e dos 747-200nan uza door di presidentenan Mericano.
Unda a haya e boternan den e 747-8 no ta mucho cla. Alcohol ta prohibi den e facilidad di Boeing.
Un vocero di Boeing a bisa personanan di paden cu e ta un asunto personal y cu nan no por comenta debi na palabracionnan ancla den contractonan.
Na momento cu finalisa cu e construccion, e nave aki lo ta e jet comercial di pasahero mas grandi di mundo, di acuerdo cu e compania. E costo total di e nave nobo lo ta 5.3 biyon dollar.
E avionnan, cu ta carga e designacion VC-25B, no ta conoci como Air Force One ainda, pero lo uza esaki unabes cu un presidente Mericano biaha abordo.