AMSTERDAM- Diaranson mainta dos avion a touch cu otro durante cu nan tabata ariba e pista. Ta trata di dos avion di KLM cu destinacion Los Angeles y Atlanta, un vocero a indica.
No tabata tin heridonan. E incidente a tuma luga durante e ‘pushback’ di un di e avionnan, cual ta e momento cu e avion ta wordo pusha patras. E avionnan a dal den otro cu nan hala, na un velocidad abao. E halanan a sufri daño.
Cuerpo di Bombero a investiga si tabata tin peliger di candela. Ya cu esaki no tabata e caso, a touw e dos avionnan, bahanan for di pista.
E pasaheronan a wordo hiba bek pa e airport. Nan vuelonan a wordo cambia, segun KLM a informa. Un vocero a bisa cu e dos avionnan aki lo keda na tera por lo pronto pa un investigacion riguroso.