Diaranson atardi ne crusada di JG Emanstraat y Emmastraat ta sosode un accidente entre dos auto pa falta di no duna preferencia. Chauffeur turista den un toyota agya a subi e crusada dal contra di un hyundai i10 y consecuencia tabatin dos hende a keda levemente herida. Daño material tabata considerabel, polisnan di trafico a presenta di biaha pa atende cu e dalmento. Ambulance tambe a presenta y paramedicona brinda asistencia na esnan cu ta leve herida. Na final takelwagen a kita e dos auto kibra foi caminda.
