Diahuebs atardi na e crusada di Caya Betico Croes y Van Leeuwenhoekstraat y Adriaan Lacle Blvd net na altura di e pompstation a sosode un accidente entre dos auto pa falta di preferencia.
Polisnan a presenta di biaha na e sitio y a constata cu e toyota belta no a duna preferencia y a yega lora dilanti un mitsubishi lancer biniendo for di Adriaan Lacle Blvd. Debi na e impacto persona a keda herida, daño material tabata considerable na e autonan. Polis di trafico tabata presente pa atende cu e accidente.
