Diabierna pasa di 7:30 anochi na e crusada di Caya Juancho Kock cu Pampunastraat ta sosode un accidente unda dos auto a dal basta duro contra di otro pa falta di preferencia.
Debi na e impacto fuerte tabatin persona herida, ambos chauffeur tabata keha di dolornan fuerte na curpa y den e mitsubishi un persona di edad. Dos unidad di ambulance a presenta, polisnan a hayanan ta pusha e daihatsu debi cu esaki tabata pega riba e porta banda di chauffeur. Asina a logra di saca e persona herida y ambos persona a keda transporta pa hospital. Polis di trafico tambe tabata na e sitio pa tuma dato.