Un cantidad di alarma por a scucha rond di 7.40 di anochi bay direccion pariba. Por a scyucha di sonido di mas cu un ambulance. A resulta cu tabata trata di un accidente basta pisa na Sero Colorado.
E autonan envolvi ta un Toyota Corolla y un Jeep Liberty y, segun e informacion ricibi eybou ta jmustra cu nan a dal frontal den otro.
A manda varios unidad pa e sitio pa motibo cu tin varios menor envolvi. A papia inicialmente cu lo tin seis much envolvi den e accidente aki y un senjora.kende tabata den shock pa loke a sosode. Por a nota varios polis na e sitio y mas cu dos ambulance pa atende cu tur hende.
Segun por a compronde, e auto particular a bay na e otro banda di caminda y a dal den e Jeep Liberty. Segun por a compronde, nan tabata biniendo for di lama.
Un di e chauffeur, esun cu a causa e accidente a wordo deteni.