Diadomingo prome cu 2 or marduga riba L.G Smith Blvd a sosode un accidente basta fuerte entre dos auto cu resultado di un persona herida. Ta trata di un ford fusion cu tabata pasando auto y yegando e crusada a bay pasa un kia sorento cu net ta bay lora na su man robes, pa asina subi Adriaan Lacle Blvd. Ambos auto a dal basta duro unda e ford a zwaai y bay dal den acera kibrando wiel di e auto. Ambulance a presena y a atende cu e chauffeur di e ford y a keda transporta pa hospital.
Polis presente a tuma nota di algo straño na e ford debi cu esaki lo a accidenta rato mas prome debi cu tin un tubo den e auto cu sla cu ta indica e chauffeur a box un caminda y a hinca e tubo den su auto, pero unda esaki a sosode ta desconoci. Takelwagen a lanta ambos auto for di riba caminda.