Diamars atardi central di polis ta haya un yamada cu lo mester tin un bringamento bandi Tur Dia supermarket na Tanki Leendert. Polisnan di Noord a bay di biaha na e sitio y hunto cu e dogcatcher ya cu tawata premira cu lo ta e mesun pareha cu lo a caba di hasi fastioso na Heng Sheng.
Na yegada di e polisnan di berdad ta e mesun pareha adicto ta bringa cu otro. Polis a detene nan y hiba nan warda di Noord pa baha nan haltura. Polis a haya pipa y droga riba nan tambe. E dos adictonan aki ta conoci pa ta circula den Playa pero awe diripiente a dicidi di bin terorisa den e area aki.