Despues di un siman di Carnaval, ainda tin diferente trailer, sushi y tambe palettnan ariba e ruta di carnaval, segun City Inspector, Sr. Danilo Prescott, ta informa.
Palett ta algo cu City Inspector a stress hopi pa no uza, pero cu si nan wordo uza mes, ora cu Carnaval caba, bay cu e palettnan di biaha. Palettnan ta wordo muda di un localidad pa otro, cu ta algo sigur cu City Inspector no kier.
Ainda tin hasta ramanan di mata di coco, tubonan, etc ariba e ruta di Carnaval. City Inspector lo bay DOW pa asina averigua ken tin cual nr di kavel. E persona lo haya un siman di tempo, pa nan mes recoge loke a keda atras. Despues di un siman, City Inspector lo bay move loke a keda atras. Esaki ta conta loke ta ariba propiedad publico, y no esunnan cu ta riba veld di cricket, comoquiera cu esaki ta propiedad priva.
Pero despues di un siman, City Inspector mes lo zorg pa kita esaki nan for di caminda publico, segun Sr. Danilo Prescott, di Bureau City Inspector.