Doñonan di Andicuri kier a manda e mensahe despues cu cera nan tereno cu baranca unda varios deportista no por a yega mas pa haci nan deporte di añas cu nan ta haciendo. E doñonan di e tereno kier avisa cu nan t’ey pa yuda e deportistanan y hendenan cu ta haci sanamente uso di Beach, pero e tereno cu nan tin a tuma nota cu e UTV, Jeep y mucho mas ta abusa ultimo tempo y ta bin ta dañando e area y despues cu a bin hopi restriccion di parti Parke Arikok y mayoria vehiculo di motor di 4×4 ta pasa y caminda aki y pasa riba mata y esaki no ta e idea.
E tereno ta cay bou di dos persona y e tereno aki tin hopi aña caba y nan a cumpre for di famia Yargaragay 15 aña pasa y nan no tin idea y ni mete pa haci nada cu e tereno solamente pa conserve pasobra esaki ta e caminda cu ta conduci pa yega e beach di Andicuri, nan no ta doño di e beach pero nan ta doño di e tereno.
Loke ta trata e deportistanan di bodyboard cu a duna nan comentario, e propetarionan ta den deliberacion cu nan pa yega na un acuerdo cu nan con pa yega na un palabracion unda nan por haci uso di e tereno pa yega na Andicuri sin haci daño na e medio ambiente, di e regla cu nan como doño t’ey pone. Doñonan ta pidi pasenshi y e punto di bista ta cu e tereno a wordo daña bastante pa e vehiculonan di 4×4 y pesei a cera e area aki.