Siman pasa tabata tin un reunion grandi, yama door di 35 doño di car rental kendenan no a keda contento cu Prome Minister Mike Eman ta bisa cu e lo bay cobra e car rental un dollar pa dia riba e v carnan pa cual Sr. mr. Hose Figaroa, abogado di e grupo ta splica cu un carta a sali pa prome minister di Aruba.
Un grupo di doñonan di car rental a acerca mr. Hose Figaroa, ya cu nan tabata basta preocupa cu e declaracionnan haci door di Prome Minister Mike Eman den prensa. Prome Minister a anuncia cu lo bay bin cu un of otro belasting adicional di un dollar pa autonan cu ta wordo gehuur, pa asina cubri e gastonan pa cu parking. A keda menciona cu e turista, of e huurdo di e auto no mester preocupa su mes cu gastonan di parkeo di Aruparking, ya cu esey lo wordo cubri.
Esaki a trece un inkietud pa e doñonan di car rental, ya cu e lo trece consecuencianan financiero grandi pa nan. Esaki sigur mirando cu den pasado caba, cierto medidanan a wordo impone ariba nan, e asina yama e Green Tax. specificamente e car rentalnan lo mester draag bij cu cierto sumanan. Y aworaki nan tin miedo cu mesun cos lo sosode y cu lo tin consecuencianan financiero basta pisa pa nan. E no ta solamente den e caso aki, di 35 car rental cu a bin hunto pa protesta contra e medida aki, pero mester corda cu den e 35 car rental aki tin mas o menos 500 mama y tata di famia cu ta gana nan pan. E consecuencia ta grandi y un preocupacion grandi cu nan tin tambe, si wak ariba medionan manera Facebook e consecuencia di parti di particularnan cu ta huur nan auto. Y adicionalmente lo bin un aumento ariba e prijs cu nan ta ofrece ariba e turistanan.
Di otro banda, e argumento di Prome Minister ta bisa cu e no kier pone mas presion ariba e turista cu ta bin Aruba. E situacion di parkeo no ta algo straño pa nan. E ta algo cu nan ta custumbra cun’e. No por ta asina cu e destinacion Aruba su nomber ta wordo afecta pa e hecho cu e mester parkeer. E turista no ta bay su pais bek, bisando cu e la haya Aruba bon, pero malo ta cu e mester paga pa parkeer. E ta algo comun rond mundo. Dus nan no ta sinti cu e ta un argumento valido, pa bin cu un aumento pa cu e gastonan. Na final di cuenta, e gastonan pa nan por carga esaki, nan lo mester cobra e turista y esaki lo tin consecuencia pa cu huurmento di auto.
E informacion ta wordo duna na turista, pa nan corda pa paga ora di parkeer, por si acaso cu si nan no ta na altura di esey. Kisas hendenan cu ta bishita Aruba regularmente no ta custumbra cu esaki den pasado. Tin chance cu e turista ta bisa cu e no ta frecuenta Oranjestad. Y cu e medida aki cu gobierno kier introduci, e ta hay’e obliga di paga pa algo cu kisas e lo no haci uzo di dje. Pa e doñonan di Car Rental esaki ta bay ta un poco fastioso. No solamente e subida di prijs, pero tambe pa e argumentacion e pakico e aumento di e prijsnan ta bin. Di e banda ey e no ta straño cu e carrentalnan ta mustra nan preocupacion. For di loke mr. Figaroa, a bay caba un carta pa Prome Minister unda ta pidi pa prome cu bay over na tuma cualke pasonan pa implementa e maneho aki, pa sinta cu nan. E doñonan di car rental ta willing pa sinta cu Prome Minister na mesa y papia over di opcionnan. Pero en todo caso no un opcion unda ta pone un contribucion obligatorio pa cu algo cu, den tur esey, no ta ni bisa algo den general. Pero ta un compania pa un compania cu a wordo crea pa yuda cubri gastonan di transporte publico, Arubus.
Doñonan di car rental ta dispuesto pa reuni cu Prome Minister no prome cu e wordo implementa, sino mas bien, pa e NO wordo introduci di e forma aki. Nan ta dispuesto pa papia cu gobierno, si gobierno ta haya necesario pa campañanan mas fuerte pa conscientisa e turista, cu na momento cu e haci uzo di parkeo den Oranjestad, e tin cu paga na e parkeermeter. Pero bou ningun circumstancia nan no ta dispuesto over di un pago obligatorio. Den pasado nan a haya nan cu esaki caba, cu a hibanan na aumento di e huur y aworakinan algo obligatorio asina, atrobe lo mester bin un aumento cu tur e consecuencia di esaki.
Por ultimo, Sr. mr. Hose Figaroa a sigui splica cu den e carta cu nan a manda pa gobierno, nan no a menciona un fecha specifico pa cu esaki. Pero en todo caso, e lo ta si prome cu bay tuma cualke decision pa sea e manda esaki. Of den ki forma cu esaki wordo haci. Ta trata di un suma cu eigenlijk lo mester bay pa Aruparking y esaki no ta forma parti directo cu gobierno. Y mr. Figaroa no sa na ki manera gobierno lo tin pensa di implementa esaki.