OOSTERHUIS, Hulanda- Den caso di paketenan di droga scondi den un cargamento di banana procedente di Colombia, fuentenan ta indica cu den e accion aki e director di e compania di transporte, Paul van Wanrooy tambe a wordo deteni pa interrogacion. Anteriormente Van Wanrooy a wordo deteni na 2013 despues di cu autoridadnan a haya 2500 kg di cocaina di un container cu tabata warda den un di su warehousenan. E tempo ey a lag’e den libertad pa falta di prueba. E negoshi a sigui funciona normal e tempo ey. Esaki tambe ta e caso awo. Asina cu tin mas informacion, e compania lo informa su cliente y su proveedornan.
Polis no kier bisa nada tocante e detencion di Van Wanrooy, pero Mario Heeren, director financiero di Van Wanrooy, a confirma e noticia di cu e director a wordo deteni pa interrogación. “Segun polis, e inval ta forma parti di un investigacion mas grandi y enberdad e propiedad ta ariba nos tereno, pero e ta wordo gehuur. Nos kier enfatiza cu nos director anteriormente a wordo laga den libertad”.
E compania Van Wanrooy Transport mag sigui opera normalmente, tur esten e investigacion ta sigui su curso. Gemeente ta warda ariba resultado di investigacion.