PHILIPSBURG, St. Maarten – Dialuna mainta na St. Maarten, doño di e compania di siguridad, Checkmate Security a wordo aresta. E tabata percura pa siguridad di waf na Sint Maarten y ta wordo sospecha di fraude den belasting, documentacionnan falso y labamento di placa.
Un cierto cantidad di cuentanan di banco di e homber a wordo confisca. Tambe, conhuntamente cu cu autoridadnan di e parti Frances di e isla, a confisca un yate.
E investigacion aki ta forma parti di un accion intensivo sosteni pa Hulanda riba corupcion y fraude na Sint Maarten, caminda corupcion y labamento di placa ta hunga un papel grandi
Esaki esaki a wordo eherci door di Team Bestrijding Ondermijning (TBO) di e team di recherche (RST).
Empleadonan di Checkmate Security ya caba mas na principio di aña tabata envolvi den un deal di droga cu a bay for di man caminda algun hende a wordo tira.
E sospechoso ta un amigo di hubentud di Frans Richardson, lider di e partido USP, cu lo bay forma parti di un coalicion nobo. Media riba e isla ta pensa tambe cu arestonan lo bay tuma luga door di e relacion cu ta existi entre politica, bida comercial y baho mundi di e isla. E relacionnan scondi aki ta forma, segun Hulanda, un menasa serio pa e siguridad y economia di e islanan den Caribe Hulandes.
Fuente: De Telegraaf