Central di Polis ta manda un patruya di Oranjestad pa Tanki Leendert, pa un intento di robo. Na e sitio oficialnan ta papia cu e homber B., cu a declara cu e tabata drumi y na dado momento el a skucha e cacho ta blaf duro y constante. Esaki e no a haya cu tabata normal. El a sigui bisa cu el a lanta y a cana bay den direccion di e bentana. El a wak dos homber desconoci pe ta bay cu su brommer SIGMA color preto pafo di cura, siendo cu e brommer tabata den su cura y na yabi. El a grita e dos hombernan aki, cu ora cu a wak’e a saca un careda y core bay zuid. Polisnan a controla den bicindario pero no a wak nada di e hobennan. Ambos hoben tabata bisti cu’n jacket cu capuchon preto. Central di Polis a wordo poni na altura.

Comments

comments