Sr Albertico Koolman director di Elmar a duna su banda relaciona cu den siman un famia di mas cu 15 persona a presenta na oficina principal di Elmar reclamando pakico elmar a corta nan coriente siendo nan tabata paga. Sr Koolman a duna di conoce cu den siman e grupo di personan cu a presenta na Elmar y ora a bay busca mas profundo kico ta pasando a bin resulta cu e 18 famia cu a keda afecta no ta cliente di Elmar, ta un cliente tin registra na e percela y e cliente a presenta na Elmar pa haci un peticion pa asina desconecta e meter y conforme nos reglanan ora cliente pidi nos tin cu cumpli y esaki a keda kita. Despues a bin resulta cu tin diferente famia ta biba ariba e mes un conexion di e cas y esei ta algo cu Elmar no tabata na altura di e situacion. Pa su siguiente dia Elmar su personal a bay tira un bista y a topa cu un situacion peligroso un fuse box cu no ta bay na e regla awendia di instalacion di coriente y den e caso aki a informa DTI pa tira un bista di un banda nos ta lamenta, pero manera Sr Koolman a informa cu ta un cliente tabata tin registra.
Hopi casonan cu tin varios instalacion scondi di coriente tras di un cas
A puntra Sr Koolman cu ta algo no desconoci na Aruba cu hopi hende ta parti nan cas pa huur awendia cu hendenan di afo y ta haci tipo di instalacion di coriente scondi sin elmar y DTI sa y esaki ta e consecuencianan di un kortsluiting, y sr Koolman a sigui bisa esei ta coriente unda a topa cu e instalacion di coriente cu tur waya los y habri y tin chens cu por haya kortlsuiting. Hopi biaha bo ta haya un cas ta haya su keuring y tin su aansluiting y kico e ta haci patras ta dificil pa controla esaki unda Elmar ta yega e na e meter. Awendia bo ta hayabo despues di control di DTI y Elmar tin hende ta expande e instalacion di coriente y ta dificil pa haya sa esaki te ora cu algo sucede di un kortsluiting y ora bay tira un bista bo ta topa cu un situacion peligroso.