Tin hopi reclamo cu na altura di Watertoren na Oranjestad tin algun auto y sushi tira riba un tereno pa cual di parti City Inspector ta duna un par di dia pa doñonan busca nan auto si no lo cana un otro caminda segun Sr. Marlon Croes, di Bureau City Inspector.
E situacion di J.G. Emanstraat, den binnenstraat sigur sigur tin di e tipo di problemanan aki. Bureau CIty Inspector ta buscando pa sa ken ta doño di e autonan eynan para. City Inspector a bay te na e cas unda ta sospecha cu e doño ta biba, pero esaki no a sali.
Un di e autonan stacionan eynan falta 2 wiel y segun bisiñanan e doño ta uza caminda publico pa bende pieza, como sifuera ta un garashi. Mei mei di e autonan di e body di un auto, kima, y City Inspector ta haci un suplica na e doñonan di e auto stacionan na altura entre J.G. Emanstraat 89 cu Watertoren pa bin busca of hala nan auto. Nan tin te otro siman diamars, pa 12 or di merdia. Si pa e dia ey, City Inspector no tende nada, hunto cu KPA lo touw e auto y hib’e, y e doño lo no hay’e mas. No lag’e riba caminda publico, busca un luga pa pone e auto, pa bend’e pa piesa. Caminda publico no ta un shop!
Tur hende cu tin un auto poni ariba caminda publico, tene cuenta cu caminda publico ta pa otro cos y no pa pone boso rotzooi eynan. Pa locual ta sushi, pa di tantisimo biaha Serlimar lo mester haci e luga limpi. Lastima cu no tin tempo, ni e personal pa vigila eynan. Ta dificil pa keda controla. Den e dianan aki, segun Sr. Pieters e tin asina hopi cos pa haci, cu mester comprarti e tempo y cumpli cu prioridadnan. E situacion ta uno duro, ta un proceso cu ta tarda, segun Sr. Marlon Pieters, di Bureau City Inspector.