Mester bin cu ley pa castiga esnan cu ta trece bestia di afo pasobra si mira loke a pasa e siman aki cu caso ilegal di trece bestia di afo ta contra ley segun Donny Rasmijn.
Asina cu e noticia aki a drenta, a haya basta informacion. A haya basta hende ta yama e parlamentarionan of manda mensahe, cu ta pidi pa no mata e bestianan. Pasobra depende di cua tratadonan cu tin. Sa siguramente e cachonan normalmente ta wordo mata mesora, pasobra nos tur sa cu no por trece cachonan por ehempel di Sur America of Centro America ni den Caribe. Unico luganan cu ta acepta cachonan pa drenta, ta cachonan cu ta bin di Europa y cachonan cu ta bin di Merca. Eynan tin cierto areglonan riba e certificacionnan. No tin duda cu e certificacionnan di e veterinarionan eynan ta ok cu ta aceptabel na Aruba. Pero si ta bin cu cachonan di otro pais entre otro Venezuela, no sa ki certificado di salud nan tin y nan por trece cierto malesanan cu nan cu por ta un peliger pa otro bestianan na Aruba y tambe e por ta pa hende. Den e caso aki e trato ta hopi diferente. Te ainda tin Veterinaire Dienst cu DWJZ, cu Ministerio Publico, tur e departamentonan aki ta trahando hunto awor aki, pa wak con ta traha un protocol nobo. Un sistema nobo unda cu por ehempel e bestianan aki cu no ta suppose di a wordo manda Aruba, cu ora nan yega toch akinan ta ponenan den cuarentena, unda cu nan ta wordo cuida, unda cu nan ta wordo sterilisa tambe entre otro, pero unda nan ta wordo monitorea cu nan no tin ningun malesa pa asina cu despues toch nan por keda na bida. E bestianan aki no tin e culpa. Esnan cu tin e culpa ta e hendenan cu ta haci esaki. Por bisa esakinan ta crimennan cu ta tuma luga y e cos mas principal ta pa evita esaki.
Sa cu e lama ta un tiki habri. Hopi hende ta bay riba bao, direccion di Venezuela y bin bek. Sa cu di parti di Venezuela, exportacion di hopi producto ta ilegal, pero ora nan yega aki na Aruba, si nan drenta legal, nan ta paga impuesto, no tin ley pa stroba eseynan. Tambe no tin un control riba kico hende ta sali cu ne. Por ehempel si un persona bisa cu el a sali, el a bin bek por ehempel cu dos cacho cun’e y ta bisa cu e cachonan ta di dje y no tin un prueba cu e cachonan a sali cu e cachonan y a bin bek cu nan. Tur esakinan ta cosnan cu tin cu bay bin cu un miho control riba nan y tin hopi sistema y tecnologia awendia cu ta hopi mas practico, hopi mas barata, mas economico y por yuda bon cu esaki. Tin diferente luga cu e barconan aki ta drenta y sali, kiermen cu e checkpointnan ey por haci uzo di nan. Pero en todo caso, tur e maneho aki mester un solucion, ta haya tur departamento cu mester sinta integral, bin cu protocolnan, bin cu regla nobo, bin cu leynan nobo pa asina tin un miho control di locual ta drenta y sali di nos wafnan siguramente por medio di yate of botonan mas chikito, segun Donny Rasmijn di AVP
avp 8 pero si kier trece mas ley siendo cu e ley cu tin di cacho y pushi riba caya keto bay no a wak solucion pa cual aki a puntra sr donny rasmijn kiko nos ta bay hasi cu e tema aki