Donny Rasmijn di AVP: Tin cu bay duna mas atencion riba e tema di accidente na pia di trabao

Lo bay trata mas riba e tema di accidente na pia di trabou pa cual aki Donny Rasmijn di AVP, cu lo bay duna mas atencion na e trahado.

Diahuebs nan tabata tin un reunion special di siguridad na pia di trabao, caminda cu nan tabata tin como topico riba un cambio di ley cu ta bay ta rekeri pa asina por pone un MB cu minister a firma na comienso di aña, den funcion. Awor aki, den e ordenansa di siguridad, ta poni cu companianan cu ta traha den construccion, cu tin mas cu 100 empleado, nan mester nombra un persona cu ta encarga cu e parti di siguridad na pia di trabao y sa cu esaki ta hopi outdated, pasobra no ta solamente personanan cu ta traha den construccion, ta pasa den e problemanan aki den siguridad na pia di trabao.

Sa cu tin e mayoria di e accidentenan cu ta tumando luga awendia, ta accidentenan cu ta tumando luga den cushina di hotel, cushina di restaurant. Esey en general, eynan hopi persona ta haya accidente eynan y e por ta cu nan ta slip, of nan ta dal contra algo cayente, kima nan man, y otro diferente motibo. Consecuencia di esaki nan ta, cu e gastonan cu tin regarda na SVB, pa motibo di AO, a consecuencia di un accidente na pia di trabao, ta gastonan halto y ta keda subi. Tin e gastonan di AZV, pa cubri e gastonan medico, cual tambe ta halto. Tin e efecto tambe cu e tin cu hasta personanan cu ta perde nan bida. Esaki ta lo peor cu por pasa tambe, ora cu no tin un bon control den siguridad na pia di trabao y por bisa cu riba dje tambe ora un accidente asina aki pasa na pia di trabao, e ta afecta e productividad, efectividad di e compania tambe.

Kiermen ta na su luga pa Gobierno, siguramente por cuminsa pone mas presion pa por proteha nos trahadonan riba nos pais. Sa cu den e BW (Burgelijk Wetboek), paar di aña pasa, a cambia un parti di un articulo, cual ta 1614X, unda cu ta haci un doño di trabao responsabel pa en caso cu tin accidente tuma luga y unda cu bo no a duna of informa e trahado cu e tin un peliger cun’e. Kiermen cu si bo sa cu ta pidi un trahado pa haci un trabao unda cu e tin cu proteha su wowo, su oido of su cara of man of kico cu ta, mester percura cu a informa e trahado cu esey ta e caso, e ora tin cu duna e trahado tambe e ekipo pa proteha su mes, pa asina ey reduci e posibilidad pa haya accidente na pia di trabao.

Si un doño di trabao no haci esey, siguramente algo pasa cu e trahado, e ta keda responsabel pa e accidente ey, segun Donny Rasmijn.

Comments

comments