Na aña 2015 a sterilsa hopi cacho na Aruba pa cual esaki un bes mas lo bay tuma luga e aña aki di parti un otro fundacion internacional. Parlamentario Donny Rasmijn a splica durante e tempo ey casi 400 cacho a keda sterilisa na Aruba y tabata exitoso. E aña aki tin otro organisacion cu lo bay ripiti esaki. E aña aki esaki lo tuma luga entre dianan 3 pa 6 di Mei. E fundacion aki lo uza hopi hende experencia riba e tereno aki y cu a bin traha na Aruba na 2015. E biaha aki e grupo aki lo bin y opera un 400 cacho na Aruba. Por bisa cu nan lo bay concentra puro riba cachonan na San Nicolas, unda cu lo rondea un luga una cu esaki lo tuma luga. Siguramente si e fechanan ta cla. Por bisa tambe cu lo bay stress solamente riba cachonan di caya. Ta piki cachonan di caya, bin opera nan, laganan recupera y despues lo pone nan bek, pa asina evita cu e cachonan aki por sigui reproduci y asina duna nan un miho bida tambe riba e pais aki.
Por bisa tambe cu ademas di e accion aki, por a wak den prensa cu a cuminsa sali, cu polis ta actuando encuanto e ley di cacho. E no ta asina leu ainda, pero siguramente caba por a wak cu personanan a wordo deteni ora ta trata maltrato di bestia.
Publico mester keda pendiente riba esaki, unda cu poco poco e cambionan aki lo tuma luga y e ley di cacho por wordo enforsa completamente, conhuntamente cu campañanan di sterilisacion. Tin e parti tambe cu lo bay scol, cu ta bay mustra e muchanan con pa cuida un cacho por ehempel. Tambe ta bay tin na television campañanan, unda cu ta bay mustra e seriedad, e importancia pa bo cuida bestia di e manera adecuado y pa bo proteha nan pa asina cu bo por tin nan, pa nan tambe por tin un bon biba riba pais Aruba y siguramente riba e mundo aki, Rasmijn a splica.
A puntra Rasmijn con a para cu e fondo pa e plataforma di cacho y e tereno pa cual aki e ta splica cu si a pidi pero e tereno ta keda chikito.
Fuera di esey tabata e tereno siguramente, cu tabata uno cu un grupo tabata pidi. Rasmijn lo sigui follow up con esaki ta bayendo. Tin un otro tereno cu a wordo duna na Animal Rescue, pero e tereno aki, manera ya indica, ta keda chikito. A hay’e tur cos si. Mester tin terenonan extra pa esaki. Pasobra por compronde cu un cacho cu ta wordo abusa door di su doño, cu despues ta tum’e aden, manera Cacho Luna asina, mester tin luga, mester di fosterhomes pa por cuida nan, pa despues rondia un doño pe. Pero tin di nan, si no tin fosterhomes, mester destina areanan specifico pa por haci esaki.
E parlamentario ta den combersacion cu minister Benny Sevinger pa por haya diferente area riba nos isla, unda cu por pone e shelternan aki, pa asina na por acomoda cachonan cu ta menos bon cuida na nan cas, cachonan cu ta wordo menos precia. Awor aki, e parti di fondo tambe tin cu bisa cu ta trahando riba un mocion. Durante tratamento di presupuesto 2017, di aña pasa, fraccion di AVP a entrega un mocion, unda cu ta pidi land Aruba pa yuda riba e area aki y pa pone placa tambe disponibel pa yuda riba e tereno aki. Por bisa cu e campaña cu tin di Stimami, Sterilisami, cu tabata hopi exitoso, esaki tambe, hunto cu trabaonan cu ta wordo haci door instancianan y e otro voluntarionan cu ta yuda riba e tereno aki, por bisa cu e trabaonan aki no a para keto. Nan a sigui bay dilanti. Di e parti di e placa, por ehempel riba e mocion aki a pidi un 150 mil florin pa wordo destina pa yuda riba e tereno aki. Ta spera cu den e presupuesto cu ta wordo cambia awor aki na April, cu esaki lo por wordo inclui den dje, pa asina e ayudo aki por tuma luga, Parlamentario Rasmijn a enfatisa.