WASHINGTON D.C., Merca – E presidente electo di Merca, Donald Trump, a sigura diahuebs cu e ta “impaciente” pa traha cu e presidente di e pais, Barack Obama, kende a describie como un “homber hopi bon hende” cual e no lo duda den acudi pa ricibi conseho durante su Presidencia, tras di a reuni cun’e na Cas Blanco.
“Mi ta deseando di traha cu e presidente den futuro, incluyendo pa pidi conseho,” Trump a afirma durante un breve comparecencia dilanti prensa tras di un reunion di un ora y mey cu Obama, Efe a informa.
E encuentro, segun Trump a bisa, lo a dura solamente un 10 pa 15 minuut y tabta tin como obhetivo cu e dos hombernan aki conoce otro en persona despues di un campaña presidencial duro caminda cu nan a intercambia di criticanan duro y caminda cu e miyonario a yega na culpa Obama di a “funda” e grupo terorista di e autoproclama Estado Islamico (ISIS).
E encuentro a dura finalmente un ora y mey debi cu e dosnan tabata tin hopi pa papia y “por a yega na ta hopi mas largo,” segun Trump a declara.
“Tabata un gran honor pa conocebo y lo ta un honor di ta cubo mas biaha,” Trump a subraya, kende a sigura di tin un “gran respet” pa presidente Obama.
E reunion a cuminsa pa 11’or di mainta ora local y a representa e principio di e traspaso di poder entre Obama y Trump, kende a priminti di caba cu e legado di e mandatario riba imigracion, deroga su reforma sanitario y kibra e acuerdo nuclear logra cu Iran na Juli di 2015.
E prome encuentro en persona entre Trump y Obama, aunke ya nan a papia na telefon madruga di diaranson, banda di 3’or y mey di ora local.
Mientras e reunion tabata desaroya, prensa por a mira e hefe di gabinete di Obama, Denis McDonugh, canando den e hardin di e mansion presidencial cu Jared Kushner, e yerno di Trump y un di su asesornan mas cercano durante e campaña.
Tambe diahuebs na Cas Blanco tabata premira pa reuni pa 2’or y 45 ora local, e vicepresidente di Merca, Joseph Biden y su sucesor, Mike Pence, kendenan ya a papia ayera via telefon.
Foto: El Universal