El presidente de Estados Unidos, Donald Trump dialuna a firma un orden ehecutivo pa retira su pais for di e Transpacific Partnership, un tratado ambicioso y polemico cu ta busca pa forma un bloque economico mas grandi di mundo.
Esaki tabata e prome dia di trabao completo di e mandatario nobo na White House, despues di a wordo huramenta como presidente diabierna ultimo.
TPP a wordo lanta na februari 2016 pa 12 pais cu hunto ta representa 40% di economia mundial, y casi un tercera parti di full comercio internacional.
Esaki tabata un di e temanan central den materia di comercio exterior di gobierno di ex- Presidente Obama, cu a inverti 7 aña den su negociacion.
Promesa cumpli
E salida di Merca tabata un di e promesanan di campaña di Trump durante campaña presidencial.