WASHINGTON D.C., Merca – E presidente electo di Merca, Donald Trump, a nombra diahuebs Kellyanne Conway, su directora di campaña durante e ciclo electoral, como consehera presidencial, e futuro mandatario a anuncia den un comunicado.
Conway, kende a zona como posibel vocero y tabata un candidato claro den obtene un puesto importante den e Gobierno Trump, lo forma parti di e ekipo di liderasgo di e Hala West entre e ekipo mas cercano na e multimiyonario.
“Kellyanne Conway tabata un asesor y estratega di confiansa cu a desempeña un papel crucial den mi victoria,” Trump a bisa den su anuncio.
“E ta un defensora infatigabel y tenas di mi agenda y tin ideanan increibel manera con pa comunica eficasmente nos mensahe. Ta complacemi pa e ta parti di mi ekipo den e Hala West (West Wing),” el a agrega.
Conway, veterano encuestado y estratega politico, a converti den e prome muhe den historia pa maneha un campaña presidencial ganado.
E comunicado di prensa di e ekipo di transicion di Trump a indica cu, debi na e liderasgo di Conway, e victoria di Trump “a kibra e dak di cristal pa muhenan.”
Conway a uni na e campaña di Trump durante e eleccionnan general y a yuda duna forma na e mensahe di e magnate den su oranan mas abao, mescos como el a diseña su strategia pa captura mas voto femenino.
Fuente: NTN24