E presidente di Merca, Donald Trump, a bisa diamars cu e no tin intencion di manda trupanan na Siria pa combati Bashar al-Assad despues di ordena siman pasa e prome atake directo contra e regimen den seis aña di conflicto.
“Nos no ta bay mete na Siria,” Trump a afirma den un entrevista cu Fox Business cu lo emiti diaranson, pero cu ya ta conoce algun fragmento.
“Poero ora mi mira -e ta sigui- hende cu ta uza armanan kimico horibel y mi ta mira muchanan bunita muri den brrasa di su mayornan of mi ta mira muchanan bringando pa nan bida, ora mi mira esey, mi a yama di inmediato na e (hefe di Pentagono) general (James) Mattis.”
Trump a referi asina e atake di dia 4 di April ultimo caminda cu Merca a bombardea un aerodomo cercano na e ciudad di Homs desde cu supuestamente e Gobierno di Assad a lansa un atake cu armanan kimico, caminda cu mas of menos 80 persona a muri.
E presidente, kende semper a bisa cu su antecesor, Barack Obama, no mester interveni na Siria, a afirma lo contrario den e entrevista aki: “Loke mi a haci mester, mester a wordo haci door di e Gobierno di Obama basta tempo pasa. Mi ta kere Siria lo ta hopi mas miho.”
Trump tambe a referi na Assad como un “animal” y a bisa cu e presidente Ruso, Vladimir Putin, ta apoyando “un persona berdaderamente malbado”, na referensia di e lider Sirio.
No obstante, den e fragmentonan adelanta pa Fox Business, Trump no ta haci referencia alguno na e continuidad di Assad na diferencia di algun di e miembronan di su Gabinete, cu a afirma cu e lider Sirio mester bandona e cargo.
Apesar di no interveni directamente cu Assad, Merca a apoya e gruponan opositor cu ta combati e lider Sirio y desde 2014 tambe a lidera e coalicion militar internacional cu ta lucha contra Estado Islamico (IS) na Siria.
Fuente: http://www.elmundo.es/