Cu su 70 aña, e Republicano a tuma posesion di su cargo dilanti di Capitolio, net prome cu merdia. El a hura di preserva, proteha y defende Constitucion Mericano.
Den su prome discurso como presidente, Trump a cuminsa na gradici ex- presidente Barack Obama y ex- primera Dama Michelle Obama. Despues el a dirigi su mes na e simpatisantenan na Washington y pueblo di Merca henter cu un mensahe pleno di nacionalismo.
“Dia 20 di Januari lo wordo recorda como e dia cu e pueblo Mericano a bolbe bek na controla e nacion aki”, segun president Trump. “E huramento cu mi a caba di duna ta di obediencia na tur e Mericanonan”.
“Desde awe solamente Merca lo ta prome”, el a afirma for di e plataforma dilanti di Capitolio. “Nos lo recupera nos fronteranan”, un orguyo nacional nobo lo guia nos y lo cura nos di nos divisionnan”, el a bisa.
Su discurso, cu a dura rond di 17 minuut, a inclui tambe mensahenan riba cuestionnan internacional, cu focus riba e guera contra terorismo. “Nos lo elimina for di planeta tera, e terorismo radical”.
“Awe nos lo haci Merca grandi atrobe. Nos lo haci cu e lo ta prospero un biaha mas. Nos lo haci cu Merca lo ta sigur un biaha mas. Y si, nos lo haci cu Merca lo ta grandi un biaha mas.
Danki. Dios bendiciona boso. Y Dios bendiciona Merca”, el a conclui.
Esaki tabata e huramentacion number 58 den historia di Merca y Mike Pence ta Vice- Presidente number 48.