SAN JUAN, Puerto Rico – Un di e reynan di reggaeton, Don Omar, a anuncia diahuebs e inicio na Puerto Rico di su gira “Forever King… The Last Tour”, cu ta “marca e retiro di escenario.”
Den un comunicado, SBS Entertainment, compania specialisa den eventonan di entretenimento na Puerto Rico y Merca, a indica diahuebs cu e gira, “ta marca e final di mas di 15 aña di carera musical, cual el a logra cautiva cada pais di mundo henter.”
Don Omar, ta, entre otro, interprete di “Danza Kuduro,” lo realisa e serie di concierto dianan 15, 16 y 17 di December den e Coliseo di Puerto Rico Jose Miguel Agrelot.
Ademas, el a acorda cu e comunicado, “siendo esaki un epoca hopi special, un momento significativo den su carera y reconociendo temponan dificil cu e isla ta atravesa, e maximo exponente di e musica Urbano, a dicidi regala su publico e oportunidad di por ta hunto ucn’e y disfruta di su talento na prijsnan nunca antes bisto.”
P’esey lo bay tin entrada cu lo bay bende desde 99 cen, mientras cu nan dura, den un evento special diasabra dia 9 di September, na e bentana di benta di e entrada di e Coliseo di Puerto Rico.
“Pa nos empresa, Spanish Broadcasting System, ta un placer di por a haci un negociacion caminda cu e artista Don Omar a laga sa bon cla e consideracion na su pueblo, dado e situacion economico cu Puerto Rico ta atravesando na e momentonan aki,” e nota ta splica.
Di su banda, e ta recalca cu lo bay tin tres funcion consecutivo “y Don Omar ta cla pa entrega su mes na su pueblo y celebra su despedida cu su patria.”
“Ta un honor di ta parti di un momento historico pa e artista Don Omar y Puerto Rico y nos ta gradici’e tanto e como na e Portoriqueñonan, di a permiti nos crea y hiba e miho entretenimento,” Lucas Piña, vice presidente senior di SBS Entertainment.
Fuente: www.laopinion.com