LONDON, Reino Uni – Neurociruhanonan a introduci un camara y instrumentoann a trabes di un operacion chikito na e stoma di e mama pa coregi un defecto di e wes’i lomba di e baby.
Dokternan di e King’s College Hospital pa prome biaha na Reino Uni un baby cu spina bifida, pa medio in un cirugia fetoscopico di invasion minimo y sin saca e baby di e utero, segun e portal di e hospital.
Specialistanan a descubri cu e baby tabata tin spina bifida den e di 20 siman di embaraso. E defecto aki di e tubo neural ta manifesta ora cu e columna vertebral di e feto no cera completamente na final di e prome luna di embaraso, cual por causa daño na e ruggemerg.Esaki lo por causa paralisis total.
Ante e indecision di su opera su yiu prome of despues di su nacemento, e mama a opta pa un variante novedoso cu ta permiti interveni e feto cu’n invasion minimo y sin saca e baby for di utero.
Cu ayudo di un echo y specialistanan den medicina fetal a introduci un camara y instrumento a trabes di un corta chikito den e stoma di e mama pa coregi e defecto di e ruggenmerg sin practica cortenan invasivo na e bariga di e muhe.
E operacion a dura mas di tres hora y tur cos a bay bon. Poco tempo despues e baby a nace, y segun e mama, “su lomba ta curando bon”.
“E obhetivo di e focus fetoscopico ta pa reduci e risiconan pa e mama y pa futuro embarasonan”, Bassel Zebian, neurociruhano di e hospital, a splica.