Hopi biaha tin hende ta sinti cu nan no tin tur informacion pa sa mas di malesanan cu ta mas sufri na Aruba pa cual di parti Wit Gele Kruis ta trahando un plan pa bay traha hunto cu e docter di cas pa educa su pashentnan mas pa loke ta nan salud segun Sr. Gino Goeloe.
Hopi biaha por wak cu tin dokter di cas cu no tin “praktijkondersteuning” y no tin tempo pa guia e pashent. Pero awo sin tin algun dokter di cas cu ta duna guia na nan pashentnan, riba nan diabetis y presion halto. Y nan ta wordo moniterea. E dokter ta bisa e pashent pa e tuma su pildonan, pero no ta monitor e pashent, e ora ey e pashent no ta wordo informa cu ora cu e haya pildo e por sinti malo e prome dos simannan. Pesey ta importante pa educa e pashentnan, pa ora haya remedi pa prome biaha pa presion halto, of sucu bo ta bay sinti malo na comienso. E motibo? Pasobra e sucu y e presion ta baha. E curpa cu a custuma cu un sucu di 20, cu mester ta 6, e curpa ta bay reacciona, e pashent ta bira malo. E ta haya mareo, y tur esey e dokter di cas mester splica bo pero tambe e praktijkondersteuning, mester splica e pashent over di e efectonan secundario di e pildo di sucu of presion halto.
Segun Sr. Goeloe, dokternan di cas cu tin praktijkondersteuning, ta follow up cu e pashentnan, cu si nan ta sinti bon of no. den caso cu e pashent no ta sinti bon, e por bin na e praktijk di su dokter pa nan midi su sucu of e presion.
E problemanan aki mester concentra mas na e dokternan di cas. Si por preveninan di bay e di dos fase, cual ta specialista, e ora ta bon pa e pashent y bon pa Aruba henter, y sigur pa AZV, paso e ta spaar hopi placa. Malesa, segun Sr. Goeloe, ta sinonimo di placa. Pesey e dokter di cas, segun Wit Gele Kruis cu nan praktijkondersteuning, yudandonan, y esaki ta bayendo hopi bon, segun Sr. Gino Goeloe, director di Wit Gele Kruis.
