Diadomingo, dia 7 di januari pasa di merdia, un avioneta ambulance a accidenta na Valledupar. E saldo di e accidente tabata un persona morto y otro cinco herida.
Poco despues di a confirma e accidente aereo, a conoce e identidad di e victima. Ta trata di Jorge Ecury, un dokter destaca c a dedica su bida na cuida y salba di otro. Un homber na kende su pashentnan tabata conoce como un heroe y no envano, el a muri mientras cu e tabata cumpliendo cu un mision medico.
A fayece den e accidente aereo
Un avioneta ambulance a accidenta den cercania di e aeropuerto di Valledupar. Un persona y cinco a resulta herida. Aerocivil ta investigando causa di e accidente. E avioneta di matricula HK-4983, cu tabata transporta seis persona, incluyendo e tripulacion, tabata hibando un mucha di 11 aña, for di un clinica di Valledupar na un centro di asistencia di Bogota.
E prome hipotesis di e accidente tragico ta indica cu por tabata trata di un fayo mecanico, asina e coronel Eduardo Chamorro, comandante di Polis di Cesar, a indica:
Aparentemente tabatin un fayo y nan a purba di bay bek Valledupar di nobo y a accidenta n’e luga di e echonan. Un persona a fayece, producto di e accidente aki.
Traslado di patient
Manera cu e noticia aki a keda conoci, Cuerpo di Bombero di e ciudad a presenta, cu a paga e candela.
E persona fayeci a wordo identifica como Jorge Ecury Perdomo, un dokter reconoci di Bogota.
E mucha di 11 aña cu nan lo a bay pa transporta, su acompañante, e piloto, copiloto y e paramedico, a wordo traslada na dos centro di asistencia, di e capital di Cesar. Loke ta conoci te asina leu cu nan ta stabiel.
E funcionarionan di Aerocivil lo investiga kico por a causa e accidente aereo.