Michigan, MERCA- Un dokter di Michigan, noord di Merca y su casa a wordo aresta y acusa di colabora cu e prome dokter investiga den e pais pa practica mutilacion genital femenino.
E dokter Fakhruddin Attar, di 53 aña y Farida Attar di 50, ta wordo acusa di conspira cu e dotker Jumana Nagarwala pa realisa e cirugia prohibi den su clinica di Livonia, na Detroit.
Dos mucha muhe cu a wordo someti na e procedimento a identifica Attar y Nagarwala.
E pareha a wordo aresta diabierna mainta y probablemente nan lo mester aparece dilanti hues pa cargonan di conspiracion pa comete mutilacion y pa a yuda y haci esey.
Un mucha muhe di shete aña di Minnesota a bisa un invesigado forense cu el a wordo hiba na e clinica di e pareha pa un “biahe special pa mucha muhe”.
E mucha, cu a wordo separa di su famia door di Servicio di Proteccion Infantil, a bisa cu e y un otro menor a wordo informa door di nan respectivo mama cu nan mester bay dokter pa “saca e bacterianan”.
Dia 11 di April, un dokter forense di Minnesota a examina ambos mucha y a confirma cu nan a wordo someti na e cirugia genital, cual tabata dunanan hopi dolor.
E pareha ta wordo acusa di duna Nagarwala acceso na e clinica unda e ta traha cu señora Attar pa realisa e operacion riba mucha muhenan di entre 6 pa 8 aña di edad. Segun autoridadnan, Jumana Nagarwala lo a realisa operacionnan di mutilacion durante un periodo di 12 aña.
Medionan di comunicacion a identifica e tres detenidonan como miembronan di un grupo religioso Chiita cu ta relaciona cu e prome caso di mutilacion genital na Australia.
E prome caso conoci na Merca tabata na 2006 ora un inmigrante Etiopi a wordo condena na 10 aña di prizon pa agresion y crueldad contra di muchanan chikito, pa a mutila su yiu muhe cu un sker cinco aña pasa.
Segun Nacionnan Uni, mas o menos 200 miyon mucha muhe y muhenan adulto rond mundo ta wordo someti na mutilacion genital femenino, mita di nan ta di Egipto, Etiopia y Indonesia.