Pa dokter de Cuba, e cuminsamento di e tratamento aki di dialyse na Dialyse Kliniek, sigur awe Aruba
ta sali bon di dje, aunke e lo desea di haya menos pashent pasobra esaki ta den man di nos mes pa cuida nos curpa.
Pa recorda y celebra 35 aña di dialyse, Mauro Cuba ta un nefrologo cu a bin yuda cu e clinica a wordo introduci. Tabata un dia toch cu kier para keto na dje, pasobra ta un dia importante pa tur cu ta traha den e ramo di nefrologia. Ta recorda cu 35 aña pasa, un grupo di visionario y pionero a wak e necesidad di cuminsa cu e tratamento di dialyse aki na Aruba, pa e personanan cu nan funcion di nier a yega asina leu cu sin e trato ey nan lo fayece.
Prome cu a cuminsa cu dialyse na Aruba, of nan ta fayece of nan mester a bay biba na Hulanda of Corsou pa haya e tratamento aki. Ta bon mes cu tabata tin hende cu vision y pioneronan cu a tuma riba nan mes pa introduci e tratamento aki cu ta salba bida di pashent, tur dia na Aruba. Dr. Oswald Wever, tambe dr. Anaya, ambos internista, dr. Eddy Falconi, ta mediconan pionero cu a cuminsa cu Dialyse. No ta dokter. Tratamento ta wordo haci pa enfermeronan y tambe trahadonan. Cuminsando chikito cu solamente un mashin den un camber na hospital, e lo a crece den 35 aña na un clinica caminda cu ta duna servicio di dialyse tur dia, cu excepcion di diadomingo y cu a crece di duna mas di 13 mil tratamento pa aña, segun dr. de Cuba. Aki tin un sentimento mixto pasobra un banda ta algo cu ta importante cu kier celebra y di otro banda como dokter cu ta trata cu e pashentnan aki, ta wak tambe e peliger, locual ta sosodiendo cu ta haya cada biaha mas pashent y eynan mester bay completamente di acuerdo cu minister schwengle cu tin un trabao hopi importante den prevencion pa no yega asina, leu, segun e dokter.