Bogota, COLOMBIA- Un politico, un accountant y un funcionario di Migracion Colombia, hunto cu un prestigioso dokter, tabata forma parti di e red di traficantenan di inmigrante.
E drama den cual cientos di ciudadanonan Cubana cu cada aña ta purba sali di nan pais y busca un miho bida den otro pais parce di a haya un salbado na Colombia. Un dokter cu tabata laga pasa cu e ta traha na un agencia di biahe, tabata encarga pa bende, duna conseho y haci e gestionan pa yega Colombia y despues sali rumbo pa Merca, cu status “legal”.
Dokter Burrel, cu tabata eherce medicina den dos clinica prestigioso di Bogota, tabata declara su mes sobreviviente di e lucha pa busca miho oportunidadnan. E tabata conta cada biaha con el a logra haya ciudadania Colombiano y logra pa nan reconoce su diplomanan atrabes di e red di traficantenan aki di imigrantenan.
Como dokter specialista e tabata destaca pa su conocimento y habilidad den camber di operacion. Esaki a logra cu el a wordo invita pa eventonan academico tanto na Colombia como den exterior. Y tabata durante e eventonan aki, specialmente na Miami y Cuba, cu e tabata haci uzo di e oportunidad pa drenta den contacto cu posibel imigrantenan of na famia pa bendenan e “soño Colombiano”.
Su historia di exito tabata suficiente pa hopi kere den su promesanan. Pero dokter Burrel tabata solamente un peon, den un sistema complica unda cu’n politico, un accountant y un funcionario de Migracion Colombia tabata forma parti.
E tabata di alto perfil y nunca el a lanta sospecho den e dos clinicanan unda e tabata traha. E tabata exigi su biaheronan iregular un pago di 25 miyon peso, cu ta cover traslado, hospedaje y e tramite di cedula y passpoort.
Pero ademas, cada inmigrante mester a pasa un curso pa papia cu un accent costeño perfecto. E mester tabata sa di datonan importante di actualidad Colombian y nan personalidadnan. Tur esaki pa evita di wordo descubri door di autoridadnan.
Un descuido di parti di e organisacion aki a haci, cu nan final di September 2015, autoridadnan a sigui nan pista. Un aumento exagera den expedicion di documento na Carmen de Carupa, na Cundinamarca, tabata e prome señal
Segun autoridadnan, casi 300 Cubano a logra cruza, cu paspoort Colombiano, pa Mexico pa sigui nan biahe pa Merca.
Fuente:www.elespectador.com