BRUSELAS, Belgica- Corte di Apelacion di Luik a condena un dokter di 61 aña na ocho aña di prizon pa a abusa sexualmente di su nieta di apenas 5 luna. Esaki segun informe presenta pa La Dernière Heure.
Dia 4 di februari 2017, na momento cu el a keda babysit e criatura pa un anochi, el a abusa y a herida e baby. Si durante interogacion e homber a nenga rotundamente di tabata tin penetracion cu su penis.
Despues di su aresto recherchenan a bin haya den un bari di sushi y riba e cama lensonan cu sanger, cu tabata contene DNA di tanto e sospechoso y e baby mucha muhe. Tambe ariba e genitalnan y bou di e huña di e homber a bin haya DNA di e criatura.
Inicialmente el a declara cu e heridanan di e mucha tabata debi na problemanan di digestion. Pero ora cu el a ripara cu e recherchenan no a kere su storia, el a bin admiti cu el a penetra e criatura na mas di un ocasion cu su dedenan. Despues di un dia el a hiba e mucha bek pa su mayornan.
Hues tampoco a kere e version aki, mirando e embergadura di e heridanan di e criatura, pa cual el a wordo someti na varios operacion pa por logra un recuperacion completo.
E homber, cu algun aña atras tabta bishita websitenan pornografico, a wordo condena na 8 aña di prizon y tambe 10 aña tbs.