Dojo Boye Martial Arts Center ta preparando pa Boss of the Ring International 2, cu lo tuma luga dia 24 di September. Rygell Boye ta promotor di evento aki y a conta cu e preparacionnan ta bayendo bon. E carchinan ta bayendo bon. E ta sigui conta cu Aruba ta full cla, tur hende ta cla pa e gran evento aki. E Venezolanonan kiermen cu nan ta bin all the way, Suriname Team tambe ta presentando, Boneiro tambe. E main event ta Winklaar contra Surinam. Esaki ta priminti di ta un bon evento, segun Boye. E ta gradici na tur sponsor cu ta kere den e atletanan. Percura pa bo check bo carchi y wak pa bo ta na ora. E evento aki lo ta tur yen. E idea a bin pasobra e atletanan a cuminsa bira mas miho y awor ta bayendo na un nivel di mas halto. Awor aki esaki ta un evento basta grandi.
Segun Boye, pa e evento aki a prepara 3 luna. Lo bay tin 22 pelea e anochi ey. 11 lo ta internacional y e otronan lo ta local.
Interes di e deporte aki ta lantando masha hopi. Muay Thai ta full na halto bek. Tur bringado di MMA mayoria di nan ta bin di Muay Thai. E anochi aki lo bay tin pelea di Muay Thai y MMA e mesun anochi.
Lo bay tin pelea di novato, tambe dos local contra local, edad di 8 te cu 12 aña. Despues ta sigui 15 aña bay ariba. Ta bay tin N-klas, J-klas, C-klas y B-klas.
E evento aki lo tuma luga dilanti Doyo Boye na Sero Blanco dia 24 di September. E lo cuminsa pa 7’or di anochi, pero pa 6’or di atardi e portanan ta habri. E evento aki lo bay tuma luga den aire liber. E luga lo ta full un arena pa e peleanan. Entrada lo ta 25 florin en generla y no lo bay tin VIP ni tribuna. Den e prome evento a haya 621 hende y pa e evento aki ta spera riba 1000 persona.