BOGOTA, Colombia- E welga cu a cuminsa dia 11 di Mei, tin casi 8 miyon studiante di scolnan publico afecta sin cu nan por haya les. E maestronan diabierna tabata protagonista di un gran marcha den e cayanan di Bogota, generando caos riba e carreteranan.
Ta ser calcula cu mas o menos 2 mil maestro ta participa den e manifestacion, cu ta blokia e careteranan.
E maestronana dicidi di manifesta despues cu gobierno nacional a anuncia cu nan lo mester cu nan lo mester haal in e tempo cu nan no a traha pa asina haya nan salario completo.
Di otro banda, FECODE, sindicato cu ta representa e maestronan, a responde cu nan lo sigui den welga.
“Nos ta sigui cu e paro nacional. Asiba aki no por soluciona un conflicto, si nan ta bisa nos cu nan ta bay desconta e dianan for di nos salario. Di e manera aki no por negocia di manera serio cu e gobierno nacional”, segun e presidente di Fecode, Carlos Rivas.
E falta di acuerdo riba tres tema economico tin e negociacion entre gobierno y Fecode tranca.
Entre otro, e docentenan ta pidi un bonus, cual gobierno a ofrece 15% na e docentenna cu no ta grado 14, ya cu esakinan ta hay’e caba.
Pa su parti, e educadonan ta exigi nivelacion di salario mescos cu e trahadonan estatal. Esey kiermen, 35% pa esun cu gana mas di dos salario minimo y un 50% pa docentenan cu ingreso bou di su balor.