Diahuebs mainta, docentenan di SPO, tanto na Santa Cruz como na Savaneta a dicidi di pone trabao abao. Esaki ta door di cu gobierno kier un fusion entre SPO Santa Cruz y SPO Brazil. E docentenan di SPO ta hopi preocupa ya cu nan kier pone e dos SPO-nan (Savaneta y Sta. Cruz) hunto. Tin un localidad na Brazil, y esaki ta parlamento a pasa un aprobacion despues di 5 aña. Y nan a firma un carta di protesta dirigi na minister di Enseñansa, drs. Rudy Lampe.
Nos di Masnoticia a combersa cu dos docente kendenan a expresa e preocupacion grandi cu ta reina entre e docentenan. Sra. Caroline Semerel- Croes, docente na SPO Santa Cruz, a splica cu tin hopi aña despues di cu EPB a dicidi cu e grupo aki ta hopi vulnerabel, cu un scol grandi no ta recomendabel. Y a bay over pa laga Sta. Cruz ta e localidad di e grupo aki cu ta e grupo cu tin mas atencion. E ta un decision a base di investigacion profundo, encuanto kico ta miho pa e grupo aki. Asina e SPO Santa Cruz y Savaneta a sali. Mayoria di e docentenan di e dos SPO-nan no ta di acuerdo cu e fusion aki.
SPO Santa Cruz tin problema cu dak, y hopi mas, pero segun e docentenan esaki ta bay ta stap dos. Te aworaki tabata un bon decision, pero nan mester logopedista, nan mester di dak, tin hopi cos mirando cu cualke localidad cu ta bieu tin su problemanan. Pero esaki no ta motibo di nan protesta. Nan alumnonan mester di un calidad di estudio. Nan ta e grupo mas vulnerabel, y door cu nan no tin voz, e docenteann kier ta nan voz. E ta un decision cu mester tuma.
SPO Savaneta
Diaranson docentenan a manda un carta di protesta pa minister di Enseñansa y diahuebs a pone trabao. Sra. Sahmira Arends, docente na SPO Pariba ta splica. E merge (fusion) al momento no por. E localidad cu tin na Brazil ta chikito, pa tanto cantidad di alumno cu tin, entre Savaneta y Santa Cruz. E scol ta traha cu X cantidad di mucha. No por bay hinca 2 biaha e cantidad di mucha den un solo localidad.
Manera juffrouw Caroline a bisa caba, e muchanan aki ta hopi vulnerabel. Aworaki cu nan tin e trankilidad, kier bay kibra e trankilidad aki. Esey ta e preocupacion mas grandi di e docentenan. Aunke cu e docentenan den e carta a duna gobierno un siman di tempo, algun cos a pasa, cu a pone cu diahuebs a pone trabao abao. E docentenan ta para ariba cu e scolnan cada un mester keda na nan mesun localidad.
E docentenan a sigui splica cu e localidad na Brazil a wordo aproba pa e cantidad di alumnonan cu tin actualmente. E scol a wordo traha pa motibo cu e scol ta bay bira cuater aña pariba. Ta p’ esey tin dos localidad extra, pa vierde jaar. No pa un grupo grandi cu ta existi na Santa Cruz.