Presidente di SIMAR sra Josephine Albertus tabata presente na EPB Hato apoyando e docentenan unda e docentenan kier a vocivera nan preocupacion loke e bestuur a pone como desicionnan nobo. Den un lapso di tres siman e bestuur a bin cu un cambio masha grandi mes den e parti di directiva y na Mei e director cu tin na SEPB a bisa di no kier keda mas. Lo mester a busca un director nobo y a logra esaki y director di EPB San Nicolas lo bin EPB Hato y eynan tambe tin cambio pa docentenan. Tambe e docentenan a scucha cu lo bay bin un cambio unda tur e managersnan lo cambia di unit, esaki a pone cu e aña escolar cu ta bin mester traha cu un director y manager nobo y a bin cu procesonan nobo pa cambionan.
Sra Albertus ta haya cu si bin cu cambio lo mester avisa e docentenan di trempan y den un lapso di tres siman a bin cu cambio drastico asina y kier pa bestuur bin cerca nan pa splica pero no ta hayando e atencion di e bestuur y ta manda un carta y docentenan a bisa ta basta y kier e honor di yega cerca nos na scol y splica personalmente.
Pakico docentenan a manda yama Minister di Enseñansa, pasobra debi cu no ta hayando atencion for di e bestuur y no ta hayando solucion y asina a yama e Minister pa mustra e mandatario nan preocupacion.
Sra Albertus a sigui bisa cu inovacion ta hopi bon pero ta ripara den enseñansa na Aruba kier bin cu hopi inovacion y cambio pero ta lubida ora cu kier bin cu e cambionan aki bo mester tin sosten. Y pa bo haya sosten bo mester envolvi e docentenan y esaki no ta pasa y ta bin na un manera bruto y bin cu e cambio y implemente riba e docente. Esaki no por si bo kier pa docentenan sostene bo inovacion mester envolvinan y purba traha cu nan riba un plan.