Docentenan a cuminsa educa nan mes den filosofia Montessori

Un grupo di docentenan di scolnan publico a bini hunto pa participa den un curso special. E curso aki n a final ta duna un diploma cu ta haci e docentenan certifica den e educación di scolnan Montissori.

Minister saliente di Enseñansa dr. Rudy Lampe a splica cu su maneho tabata pa trece un diversificación den enseñanza disponible na Aruba. “One size doesn’t fitts all,” el a splica. No ta tur mucha ta fit den e mesun sistema.

Asina tambe siman pasa a cuminsa un scol nobo virtual cu plataforma digital, di 16 pa 18 aña, ta haya chens di caba nan scol secundario. Un di e hobennan na e inicio di e lesnan a bisa “pa prome biaha el a sinti cu den su vida tin oportunidadnan. Palabranan fuerte cu a emocionami. P’esey enseñanza t apa duna oportunidad y no kibra e muchanan.”

El a bisa di ta orguyoso cu a crea otro alternativa cu yama scol Montessori. Estudionan haci ta mustra cu e miho sistema di enseñanza ta esun cu no ta duna cuminda na e “self esteem” di un mucha. Esaki ta trece éxito. Filosofia di Montesorri ta pone e mucha central y duna cada alumno e guía pa desaroya nan talentonan. “Esaki ta e base pa nan éxito den futuro. E tipo di enseñanza aki ta algo cu Gobierno a duna apoyo na dje.”

Escol Montessori aki ta uno publico, guia pa juffrouw Connor.

Henter e team di docente di Colegio Hilario Angela a tuma e reto pa educa nan mes den e sistema aki.

Lampe a bisa cu no ta necesario cu despues di finalisa scol basico, e mucha mester bay pa un high scol Montessori.

Comments

comments