LANDAURA, India – Un docente di eerste klas di India, a wordo denuncia y retira, door cu el a pone dos alumno di su klas kita nan paña door di a haya mal resultado den un prueba di Ingles.
E hechonan a tuma luga diamars den JP International School, un centro ubica den e localidad Indio di Landaura, den e distrito di Hariwar, den un zona rural.
Segun polis, e dos alumnonan di eerste lo a saca mal punto den un prueba di Ingles y e docente a dicidi castiga nan, zundra nan y obliga nan na kita nan camisa dilanti e klas.
Mayornan a exigi represalia contra e docente
E studiantenan a conta e sucedido na nan mayornan kendenan a manifesta den e centro durante dos dia, exigiendo represalia contra e docente. Aunke cu na un principio el a wordo aparta di su actividad, finalmente a wordo retira.
Den paralelo, e mayornan a denuncia e docente na polis. Den un declaracion na e corant local Hindustan Times, e agente Manikant Mishra, a splica cu nan ta investigando e caso: “E mayornan y e hendenan di e pueblo, a reuni cumi, nan a tuma medidanan legal y a wordo informa di e investigacion,” el a sigura.
E centro ta nenga e hechonan
Di su banda, directiva di e scol a nenga e hechonan: “Loke nos tin di bisa ta loke nos a bisa na e oficial di polis. Con un maestro por obliga e mucha muhenan na kita nan paña asina dilanti di e klas?”, e directora di e centro, Amita Rathore, a bisa, kende ta kere cu ta trata di un maniobra pa “daña e imagen” di e docente y di e scol.
E responsabel di educacion di e distrito, di su banda, a manifesta cu di confirma e hechonan aki, lo ta trata di un asunto hopi serio y a priminti medidanan contra e maestro, si e caso ta asina.
Fuente: www.lavanguardia.com