ST. PETERSBURG, Rusia- Den e ciudad Ruso di St. Petersburg autoridadnan ta investigando dos caso di actonan di caracter sexual contra mucha. Un di nan tabata sordomudo. E principal sospechoso di 47 aña procedente di Merca, cu tabata traha como docente di ingles den un scol priva di e ciudad, medionan local a informa.
E Mericano ta wordo acusa di e violacion di un mucha homber sordomudo di 9 aña, cu a tuma luga dia 2 di september. E dia ey, e mucha tabata keiro den un parke unda el a wordo viola door di un desconoci.
Segun informacionnan, e mucha a aleha pa un par di minuut y despues su mama a hay’e riba vloer, y un desconoci tabata riba dje. Aparentemente, e delincuente a huy di e luga. E dia siguiente, e muhe, tambe sordomudo, a bay polis pa denuncia e hecho y a describi e homber cu yudansa di un interprete.
E di dos caso di cual e docente ta wordo acusa a tuma luga na final di augustus, ora cu e homber a intercepta un menor den un tienda y a purba mishi cu su parti intimo, a pesar di cu su mama tabata na e luga.