BOGOTA, Colombia- Un docente Colombiano a wordo geschors pa shete luna, den cual cu e lo ta prohibi pa duna les. Esaki ta despues di cu’n video a registra e maltrato cu su alumnonan di eerste klas tabata sufri na su man.
E docente, Aidee del Pilar Garavito, tabata golpia e muchanan na nan curpa y nan cabes. E tabata pusha e muchanan y e mucha muhenan tabata wordo ranca na nan cabey, según un comunicado di un entidad di Ministerio Publico di Bogota.
Tambe ta conoci cu e docente tabata kita e lunch escolar for di e alumnonan y tabata papia na telefon durante les. E maestra tabata duna les na un scol publico den e zona di Kennedy, un sector di e capital Colombiano.
Ministerio Publico a considera cu e actuacion di e docente tabata “desproporciona y abusivo” contra di derecho di mucha.
Garavito a wordo denuncia door di mayornan di e muchanan, cual a wordo respalda cu videonan graba pa nan mes.
Fuente: https://actualidad.rt.com