Na 2016, Gobierno di Aruba a dicidi pa introduci regulacionnan nobo cu ta prohibi e uso di saconan di plastic cu ta crea pa wordo uza solamente un biaha y djey tira afo. E ley nobo aki, cu a drenta den vigor riba dia 1 di Januari, 2017, a wordo diseña pa minimalisa e impacto negativo grandi di saconan di plastic indesea riba nos medio ambiente.
E Aruba Hotel and Tourism Association y su Comision di Medio Ambiente a duna nan sosten completo na e campaña di concientisacion cu a wordo organisa pa Plastic Bag Ban Aruba cual tabata diseña pa informa e publico tocante e detayes di e prohibicion.
Pa por yuda sostene e ley aki, miembronan di e Aruba Hotel and Tourism Association a dicidi di crea saconan re-uzabel cu por wordo cumpra pa un bon prijs for di miembronan cu di nan turno ta haci e saconan obtenible pa nan huesped y empleadonan.
Riba nos potretnan por mira Divi Resorts den sosten completo di e ley nobo, distribuyendo e saconan re-uzabel grandi atractivo, cu nan diseño di blachi di mata, representando nos medio ambiente, entre empleadonan di Divi y Tamarijn All Inclusive Resorts, ya cu e preservacion di e isla su naturalesa ta di suma importancia pa e exito di e industria local di hospitalidad.