Willemstad Curacao: Djaluna 14 di ougùstùs último riba buelo 3R283 for di Aruba pa Kòrsou, e personal di cockpit a nota ku e lus ku ta indiká ku un porta ta habrí a sende durante aterisage.
Algun ratu despues, ketu bai aterisando, e ko pilóto a tende un zonido suave. Ora el a mira patras den e avion el a nota ku dos pasahero tabata tene e porta di pasahero. Djis un ratu despues ora e porta a sera, e zonido a bai i e lus ku a indiká ku e porta tabata habrí a paga.
E kapitan a kontinuá ku e buelo ku a aterisá djis un ratu despues ku e porta será i e lus ku ta indiká un porta habrí, pagá.
Despues di a aterisá e kapitan a dirigí su mes na e pasaheronan ku tabata desembarkamdo. E ko piloto a dirigí su mes na e pasaheronan den bùs.
Divi Divi Air mes ora a investigá kiko por tabata e kousa ku e lus ku ta indiká ku un porta ta habrí a sende.
No por a konkluí nada otro ku ta un pasahero inkonsientemente a move e man di e porta durante e buelo.
Divi Divi Air ta lamentá ku pasaheronan a sinti nan mes ínkomfortabel i no seif. Seguridat di e pasaheronan, e tripulante i e avion niun momentu no tabata na peliger.
Divi Divi Air a skohe pa no suministrá informashon promé ku a hasi un investigashon profundo i a pidi tur entidat interesá pa manda nan preguntanan via email pa asina nan por risibí kontesta.