Minister Rudy Lampe ta felicita e pueblo di Aruba pa e 60 aña di turismo crucero, cu a desaroya na un manera espectacular.
Tabata 60 aña pasa cu e prome crucero a yega Aruba y e contribucion di e turismo crcuero na e desaroyo di turismo di Aruba ta enorme. Y tin tur indicacion cu e ta bay sigui crece pasobra e region di Caribe ta masha bunita mes. E ta unico, via e experiencia aki ta conoce diferente islanan, ta conoce e cultura di Caribe. Y sr. Lampe ta kere cu e industria crucero a descubri cu esaki ta un di e regionnan cu a duna asina hopi na e industria aki, y lo bay sigui duna. Gobierno di Aruba ta di opinion cu diversificacion di turismo di crucero ta bay contribui na e turismo di Aruba y lo kier duna tur apoyo, pa motibo cu e futuro di Aruba ta bay depende e.o. Di e turismo crucero.
Pero mirando cu e crecemento espectacular, mirando e ultimo presentación unda ta bisa cu e barco crucero mas grandi di e momento ta transporta mas di 6 mil turista riba e barco, cual ta algo espectacular. E reto ta kico ta pasa cu e waste cu e barconan ta produci den e area di Caribe. Esey ta e retonan cu mester pone un balanza entre e crecemento y e respet pa medio ambiente, pa henter e bida marino. Unda cu di un banda ta bisa ‘welcome’, lo sigui apoya e turismo crucero, pero tambe cuida nos naturalesa y con e balansa ey lo bay ta.
Pero por wak back ariba un turismo di crucero 60 aña, pero tambe prepara pa e siguiente 60 añanan, pasobra cu e ta bay ta un contribucion na e turismo di Aruba. Te aki e declaracionnan di minister di Enseñansa, Ciencia y Desaroyo Sostenibel, drs. Armando ‘Rudy’ Lampe.
…