lAsuncion, PARAGUAY- Den un sesion polemico, un grupo di senadornan di Paraguay diabierna a aporba un proyecto di ley cu ta considera reeleccion presidencial, loke a desata disturbionan grave y enfrentamentonan entre manifestantenan cu polis.
Den e votacion, caminda 25 Senador a participa, entrenan oficialista y aliadonan di gobierno, a wordo convoca di sorpresa y a wordo realisa tras di portanan cera dne un oficina, mientras cu polis tabata rondona e palacio legislativo.
E manifestacionnan a laga un gran cantidad di destruccion, tanto paden como pafo di e palacio legislativo.
Polis a reprimi e manifestantenan uzando gasnan lacrimogeno y tambe bayenan di awa.
E iniciativa pa reeleccion mester a logra e apoyo di por lo menos 23 di e 45 miembronan di Senado y ahora lo mester wordo someti na votacion den e Camara di Diputadonan, unda cu nan ta spera cu e wordo ratifica. Dicho votacion ta programa pa diasabra mainta, den un sesion extraordinario, pero e disturbionan a obliga Senado pa pospone esaki.
Constitucion di Paraguay ta prohibi reeleccion presidencial. E medida a wordo tuma na 1992 pa purba na stop e reingreso di un dictadura den e pais Sudamericano.
Un propuesta similar ya caba a wordo rechasa den Parlamento na Augustus y te algun dia pasa, e normanan tabata dicta cu e tema no por a wordo trata di nobo, te despues di un aña.
Sin embargo, e siman aki e Parlamentarionan oficialista a logra modifica e reglamento.
Fuente: www.bbcmundo.com