A registra disturbio grave na varios parti di Colombia ayera, despues cu nan seleccion a perde contra Argentina den e final di Copa America, un evento cu a atrae atencion internacional tanto p’e competencia riba veld co o p’e reaccionnan pafo di dje.
[video_player file=”https://masnoticia.com/wp-content/uploads/2024/07/ssstwitter.com_1721051537850.mp4″]
Na Colombia, e derota a desencadena un serie di disturbio cu a resultanden por lo menos 10 persona herida pa arma blanco of p’e tiramento di obheto. E confrontacion cu Polis y entre e fanaticonan a intensifica na Soacha (Cundinamarca), segun informe di Blu Radio. E herido a wordo traslada na un centro local pa ricibi tratamento.
Na Bogota, capital di e pais, tambe a registra confrontacion despues di e partido. Danki n’e intervencion rapido di Polis Metropolitano, a logra evita daño significativo n’e negoshinan local durante e disturbionan den un zona zuidwest di e ciudad.
E comunidad internacional a observa cu preocupacion e acontecimentonan aki. Copa America,cu tabata un di e torneonandi futbol mas prestigioso di e continente, no solamente a representa un evento deportivo di gran relevancia sino tambe un catalisador di emocion intenso entre e fanaticonan. E violencia despues di e partido na Colombia, a genera un ola di reaccion den e ambito global.
E lider y e organisacionnan deportivo rond mundo a haci un yamada na calma y reflexion, subrayando e importancia di separa pasion pa futbol di violencia. FIFA, hunto cu e otro federacionnan di futbol, a emiti varios comunicado condenando e disturbionan y enfatisando e necesidad di mantene e siguridad y respet den e eventonan deportivo.
E medionan Internacional tambe a reporta ampliamente riba e situacion, destacando tanto e magnitud di e disturbionan como e esfuersonan di autoridad Colombiano pa controla e situacion. E episodio aki a pone enfasis riba e necesidad di strategia mas efectivo pa maneha e siguridad den e eventonan deportivo y proteha tanto e participantenan como e publico.
