PARIS, Francia- Diasabra, e grupo conoci como “ Jacket Geel” a organisa manifestacionnan den diferente puntonan di Francia contra di aumento di prijs di combustibel.
Na Paris, a registra enfrentamentonan entre e forsanan di orden y e manifstantenan di “Jacket Geel” cu ta protesta contra di e aumento di prijs di combustibel den e pais.
Gobierno Frances ta calcula e total di manifestantenan na 81 mil persona, cu ta participa den e accionnan di protesta den e pais. Al menos 35 persona a wordo deteni, 18 di na na Paris. Ocho persona, den cual 2 polis, a resulta herida den e enfrentamentonan, segun e cadena BFMTV.
Segun e canal, “varios mil” manifestante a congrega den e Champ Elysee. Algun di nan a purba di kibra e barera y drenta den e zona cera di demostracion di Plaza de la Concordia. Autoridadnan a haci uzo di no solamente gasnan lacrimogeno, sino tambe cañonnan di awa.
Algun di e paticipantenan den e marcha a canta e Marseille y a exigi e renuncia di e presidente di e pais, Emmanuel Macron. Cerca di 3 mil polis y militarnan a wordo mobilisa pa garantisa e siguridad durante e jornada di protesta.
Autoridadnan Frances a dicidi di introduci cambionan den e funcionamento di Transporte Publico debi na e accionnan di protesta. Particularmente shete station di metro den e centro di Paris a keda cera, segun e portal di Administracion di Transporte di Paris. Ademas, parti di e rutanan di transporte terestre a wordo modifica.
Centro di capital a comberti su mes den e epicentro di e enfrentamentonan entre Polis Anti-Disturbio y manifestanten. Dado momento, cayanan a cuminsa parce un berdadero campo di bataya, cu humanan diki y containernan di sushi.
E campaña di protesta riba gran escala contra di aumento di prijsnan di combustibel a cuminsa dia 17 di november. Segun e Ministerio di Asuntonan Interior Frances.
A partir di 1 di januari, prijsnan di gasolin na Francia lo mester aumenta cu 2,9 eurocent, mientras diesel lo mester aumenta cu 6,5 eurocent pa liter.
Guillermo Saavedra, presidente di Camara di Comercio y Industria na Francia, ta señala cu e situacion a yega na e punto aki ya cu e interesnan di clase media a wordo ignora.