FLORIDA, Merca- E compania Mericano di entretenimento Disney diamars a anuncia cu nan lo retira tur nan peliculanan for di Netflix. Ademas, e lo lansa dos servicio di streaming den e proximo dos añanan.
Disney a afirma tambe cu e lo bira socio mayoritario di e compania di streaming BAMTech, ya cu e lo cumpra 42% di e accionnan cu ta suma na e 33% cu ya e tin caba, pa 1.580 miyon dollar.
E compania di medionan di comunicacion y entrentenimento ta spera di lansa un servicio di streaming deportivo cu e canal ESPN na principio di 2018, unda cu e lo ofrece contenidonan di e principal liganan di baseball, hockey y futbol Mericano, segun e agencia di noticia EFE.
Disney lo ofrece un servicio di streaming directo na e consumidor na 2019, aña den cual e lo stop di distribui su peliculanan na Netflix. E largometrajenan ‘Toy Story 4’ y e secuela di ‘Frozen’ lo wordo lansa exclusivamente ariba e plantaforma ey.
Fuente: http://www.ntn24america.com/noticia/