ENTERTAINMENT
E compra di e division di espectaculo Twenty-First Century Fox por Disney pa un balor di 71.3 biyon dollar a dal un paso mas pa wordo concretisa diabierna, ora cu el a wordo aproba pa accionistanan.
E fusion ta reuni e frankisianan X-Men di Marvel y Avengers. E lo crea un espectaculo colosal den e era di streaming digital. E voto di accionistanan ta corona un bataya largo cu a cuminsa na december 2017 ora cu Disney a presenta su prome oferta di parti di e grupo di Rupert Murdoch. Aki ta unda e guera di oferta a cumisna cu Comcast, cu siman pasa a bandona e batalla, pa concentra su mes den e compra di e operador Europeo di television paga, Sky.
E deal cu Fox lo yuda Disney na competi cu e sector tecnologico unda cu Amazon y Netflix ta destaca. E acuerdo final lo tuma ainda algun luna pa keda cla y ta mara na aprobación di parti di autoridadnan regulatorio.