Riba e mainta di dia 20 di Juni, Disney Fantasy a haci su prome bishita na waf di Oranjestad, durante su prome biahe den Caribe for di Port Canaveral.
Desde lansamento di Disney Fantasy na 2012, el a sirbi como e barco primario di Disney Cruise Line pa nabega den Caribe alternando su biahenan di 7 dia den parti oost y west di Caribe. Pa celebra e bishita inaugural di Fantasy na Aruba, Capitan Fabien Dib y oficialnan abordo lo host lidernan di comunidad y tambe hefenan portuario local abordo di e barco cu un ceremonia tradicional maritimo di intercambio di plakkaat. Disney Fantasy lo regresa Aruba dia 1 di Juli, durante su biahe di 10 anochi. Lo bay tin mas chens pa cruceronan di Disney bishita Aruba den 2018. Disney Wonder lo nabega pa Aruba durante cada un di su biahenan crucero di 7 dia na Januari 2018. Despues riba dia 30 di Juni 2018, Disney Fantasy lo embarca riba un otro biahe di 11 dia for di Port Canaveral.
Fuente: http://disneycruiselineblog.com