Quito, Ecuador- Presidente di Ecuador, Lenin Moreno, a confirma cu e ekipo di prensa di e diario El Comercio, secuestra pa un disidencia di FARC dia 26 di maart den e zona di e frontera, a wordo asesina.
“Lamentablemente nos tin informacion cu ta confirma e asesinato di nos compatriotanan. Nos a haci tur loke tabata na nos alcance mi a wordo confirma cu e criminalnan aki nunca tabata tin e intencion di mandanan bek pa nos sano y salvo”.
Pa esaki, Moreno a anuncia un serie di medidanan pa combati e disidencia comandando pa ‘alias’ Guacho’ cu ta opera den e zona na e frontera.
“Nos a reinicia e operacion militar y policial den e area fronteriso, cu a wordo suspendi y inmediatamente a instala e despliegue di e unidad elite”.
Lenin a bisa tambe cu e la crea un hurisdiccion specialisa den crimen organsia cu e obhetivo di “garantisa e siguridad di hues y fiscalnan”.
Di mes manera, el a informa cu e “narcoterorista alias Guacho a subi e lista di e personanan mas busca di Ecuador y nos ta ofrece un recompensa di 100 mil dollar pa informacion cu por conduci na su captura na Ecuador of Colombia”.
Fuente: ttps://www.noticiasrcn.com/